عدد الرسائل : 314 العمر : 27 المزاج : راايق تاريخ التسجيل : 18/07/2008
موضوع: شعر آخر الخميس 14 أغسطس 2008, 9:13 am
قولي
انا حضني قلبي مش كتافي اوعاكي يوم تنسي و تخافي وان جم ف يوم سألوكي عني قولي ان حبي ده شئ خرافي قولي ان فرحي ف وسط جرحي بيتولد قولي ان قلبك شئ مقدس يتعبد ******* انا حبي ذنبي وبعشقه يكره شيطاني و يحرقه رغم ان نفسي أكون انسان لكنه حلم وبسرقه قولي ان حبي ليكي اكبر م الذنوب وان شروقي بيتولد ساعة غروب واني مش ممكن يا غالية راح أتوب لو شايفه نوري بيبتعد قولي ان فرحي ف وسط جرحي بيتولد قولي ان قلبك شئ مقدس يتعبد ******* تعبت كتير وانا ماشي بقلب حزين بحس الفرح بدموعي وشوق وأنين بحب بجد وعيوني سكن ليكي لكن قدري أنا وانتي نكون تايهين قولي ان يأسي راح يكون أملي الوحيد وان البداية مش نهاية لكل عيد واني اول من يكون فيكي شهيد لو حسه قلبي بيتجلد قولي ان فرحي ف وسط جرحي بيتولد قولي ان حبك شئ مقدس يتعبد
الخميس 14 أغسطس 2008, 9:13 am
